قصيدة للمتسلقين .. الشاعر نعيم الزوي بعد الثورات العربية

قصيدة للمتسلقين... الشاعر نعيم الزوي بعد الثورات العربية


هما هما !!
نـفـس الـوجـوه اللـى اتـجيـب الغمه !!
كــيـف أمــس كيـف الـيـوم !!
هما همّا !!

نـــفــس الــــــنـاس ..
و نفـس الاسامى اللى اتجيب الياس
كـــذب ونفـــاق وظـلـم و اخــتــلاس
ويــن مـا أيـبانــوا يـسـرقـوا المهمــه
عاشــــوا على قـــل الوفا واخــلاص
تربــــــــوا على يده زعيم الامـــــه

نـفــــس احـــــمــيده ..
ونفس الوجـوه الـلـى زمـان زهـيده
مـا تــقـول جدت فـى لـبلاد جديده
ولا هناك عـيل مـات ضـحـى بـدمه
ولا تــقــول شـاب اليـوم فاقـد أيدة
و فــاقــد أقــدامـة و لــنـظار وفمّة

نفس الحال
ونفــس الرزالــه وطيحــــة المزال
ونفس ال**** ونفس نهب المـال
واللى روانه الســـم زايد سمـــه
اليــوم ناس تسلـــق على لحبال
على كل خـــوطه واقفـــه ملتمه

رد الشاعر صلاح عبيد من مدينة مصراته

نـــفـــس الـــحـــوســـة ..
و نـفـس الألحان و نـفـسهن بالدوسه
لــيـن نـفـسنا تـمّــت الاّ مـحـبـوسـة
علي ناس بين الــنــاس هـي منـذمّه
علي أشكال خطوتها بقت مـــدروسـة
واضحين ، ياصاحـــب . أقـلال الهمّـــه

نــفــــس الــــقــصّــة
و نــفـــس الحكاوي و نفـسـهـا بالبصّه
كـم ألــف غـصّــة حاصــلة فــي غـصـّة
فـــــى أقـلـبــونا دارت هـــوايـــل جـمّه
مــن ناس طالــت مــن وطـنـّا حــصــة
كــلـــــو حقـنـا و الـوطـــن زادوا هـمّة

انـــــعيـــدو الثورة ..
ثــــــورة وراء ثـــــــــورة وراهـــا ثــورة
أنـكـانـهـو بـقــى هـالظلم يـلعب دورة .
و بــقيــو الـلـــي مـن قبل باعوا الذمّة
و ما يــوم تـبــقــى أبــلادنــا مكسورة ..
أحـنا شــعـب مــتـماسك وفوق القمة

رد الشاعر جبر الصبيحى

نفس الدوه
ونفس الوجـــــوه اتريدنا بالقوه
ونفس الفسس مازال هوا هوا
عصابه كبيره وسطنا ملتمـــه

نفس الظلم
ونفس المطامــــع لوله والحلم
جهال تحلــــف ماكساهم علم
شاريين الشهايد بايعين الذمه